المواضيع الأخيرة
أفضل 10 أعضاء في هذا المنتدى
beshoy+ - 793 | ||||
Admin - 668 | ||||
dark_angel - 242 | ||||
SAMO - 177 | ||||
sallymessiha - 157 | ||||
soren - 155 | ||||
Dr_Romany - 116 | ||||
khalaf mahrous - 114 | ||||
Peter - 103 | ||||
zakaria - 99 |
بحـث
رقم صحيح مش كسرعشرى ـ تأوهات عذراء
+3
khalaf mahrous
beshoy+
sallymessiha
7 مشترك
منتدى الراعى :: شبابيات :: مشكلات شبابية
صفحة 1 من اصل 1
رقم صحيح مش كسرعشرى ـ تأوهات عذراء
تأوهات عذراء
رقم صحيح مش كسر عشري
منقول من موقع الكتيبة الطيبية
كل القيود على البنت عشان هي بنت مش ولد
كل الخطوط الحمرة والبرتقالي بتترسم قدامها عشان هي بنت مش ولد و القهر
والاستبداد في أنقى صورهم بيمارسوا عليها عشان هي بنت مش ولد، كل التحكمات
والقرارات والطلبات اللي ملهاش أي لازمة تبقى في تجدد مستمر عمرها ما
تنتهي ولا بتقف عشان المأسوف على شبابها بنت مش ولد، و يا ويلها و سواد
ليلها لو قررت أو فكرت تعترض أو تناقش أي قرار... تناقش إزاي دي بنت مش
ولد.
البنت ماتخرجش من البيت مع صحباتها إلا لما تاخد إذن باباها قبلها بكام
يوم لو قالتله في نفس اليوم انها عايزة تخرج تبقى وحشة وبتاخد قراراتها من
دماغها وبتحطه قدام أمر واقع اللي هو في النهاية مش هتخرج عارفين ليه؟؟؟
علشان هي بنت مش ولد!! لو ولد كانت خرجت و من غير إذن و سهرت كمان.
الأب بيرفض إن البنت تدخل السينما لوحدها مع صاحباتها البنات ولازم يبقى
معاها راجل اللي هو غالباً بيبقى أخوها البطل، عارفين ليه؟؟ علشان هي بنت
مش ولد.
و لا التليفون بقى البنت لما بيجيلها تليفون و تحاول تنقل التليفون في أوضة غير اللي فيها باباها عشان تتكلم بيحصل السيناريو الآتي:
الأب: واخدة التليفون ورايحة على فين يا بنت؟؟
المأسوف على شبابها: هتكلم جوه في الأوضة.
الأب: ليه هتقولي إيه و مش عايزاني أسمعه؟؟
المأسوف على شبابها: مفيش يا بابا صدقني.
الأب: خلاص يبقى تتكلمي هنا.
عارفين ليه بيحصل السيناريو الرائع ده؟؟
علشان الغلبانة بنت مش ولد.
لو كانت ولد كان خد التليفون والأب كله زهو إن إبنه بيتكلم في التليفون
وياريت يكون بيكلم واحدة عشان يبقى الواد مقطع السمكة وديلها و يا سلام لو
المقهورة اتهفت في عقلها وزعلت أخوها أو قالت له كلمة كده و لا كده وجرحت
مشاعره المرهفة تسمع بقى أحلى كلام،....أخوكي الراجل ...الولد كلامه يتسمع
...هو اللي عارف مصلحتك...هو اللي كلمته تمشي و لو مامشيتش انتي اللي مش
هيبقى عندك حتى بقايا رجلين تمشي عليها واكسر للبنت ضلع يطلعلها 24. هما
الرجالة دول معجزة!! ومفيش زيهم و البنات هما الجواري الخدامات اللي
اتختمت شهادة ذلهم يوم طلوع شهادة ميلادهم وللأسف كل محاولاتهم لتقطيع
الشهادة دي انتهت بالفشل.
ممكن تقولوا علي متحاملة شوية أو كلامي فيه إفتعال بس كل ده بيحصل وباشوفه
بعيني. هو صحيح الأب بيحب ولاده زي بعض وبيتصرف كده وهو فاكر إن القيود
اللي فارضها على بنته دي هتحميها بس وهو بيعمل كده مابيديش نفسه فرصة يفكر
أد ايه تصرفاته دي بتأثر على نفسيتها وبتحطم شخصيتها، و بتخلق فيها ثورة
على كل حاجة في حياتها، وبتخليها تتمنى و تستنى اليوم اللي تسيب فيه بيت
أهلها سواء وهي حية ترزق فتروح لبيت جوزها اللي غالباً مش هيختلف عن بيت
أبوها كتير، أو ميتة فتروح عند ربنا العادل اللي محدش حاسس بيها قده، و يا
سلام بقى لو المأسوف على شبابها ماتجوزتش .... مبتخلصش كلام من الناس
والجيران و محدش بيسيبها في حالها، .... الناس بتبص للست كأنها كسر عشري و
لازم يبقى معاها راجل عشان تكون رقم صحيح، بس أنا بقى من هنا بقول إحنا
رقم صحيح مش كسر عشري، وبقول كمان البنت زي الولد ماهيش كمالة عدد وتقدر
توهب وتعطي وتخدم ولادها ومجتمعها وبلدها زي .الراجل بالظبط وعلى فكرة ده
مش رأيي لوحدي في بنات كتير موافقيني على الكلام ده
كل الخطوط الحمرة والبرتقالي بتترسم قدامها عشان هي بنت مش ولد و القهر
والاستبداد في أنقى صورهم بيمارسوا عليها عشان هي بنت مش ولد، كل التحكمات
والقرارات والطلبات اللي ملهاش أي لازمة تبقى في تجدد مستمر عمرها ما
تنتهي ولا بتقف عشان المأسوف على شبابها بنت مش ولد، و يا ويلها و سواد
ليلها لو قررت أو فكرت تعترض أو تناقش أي قرار... تناقش إزاي دي بنت مش
ولد.
البنت ماتخرجش من البيت مع صحباتها إلا لما تاخد إذن باباها قبلها بكام
يوم لو قالتله في نفس اليوم انها عايزة تخرج تبقى وحشة وبتاخد قراراتها من
دماغها وبتحطه قدام أمر واقع اللي هو في النهاية مش هتخرج عارفين ليه؟؟؟
علشان هي بنت مش ولد!! لو ولد كانت خرجت و من غير إذن و سهرت كمان.
الأب بيرفض إن البنت تدخل السينما لوحدها مع صاحباتها البنات ولازم يبقى
معاها راجل اللي هو غالباً بيبقى أخوها البطل، عارفين ليه؟؟ علشان هي بنت
مش ولد.
و لا التليفون بقى البنت لما بيجيلها تليفون و تحاول تنقل التليفون في أوضة غير اللي فيها باباها عشان تتكلم بيحصل السيناريو الآتي:
الأب: واخدة التليفون ورايحة على فين يا بنت؟؟
المأسوف على شبابها: هتكلم جوه في الأوضة.
الأب: ليه هتقولي إيه و مش عايزاني أسمعه؟؟
المأسوف على شبابها: مفيش يا بابا صدقني.
الأب: خلاص يبقى تتكلمي هنا.
عارفين ليه بيحصل السيناريو الرائع ده؟؟
علشان الغلبانة بنت مش ولد.
لو كانت ولد كان خد التليفون والأب كله زهو إن إبنه بيتكلم في التليفون
وياريت يكون بيكلم واحدة عشان يبقى الواد مقطع السمكة وديلها و يا سلام لو
المقهورة اتهفت في عقلها وزعلت أخوها أو قالت له كلمة كده و لا كده وجرحت
مشاعره المرهفة تسمع بقى أحلى كلام،....أخوكي الراجل ...الولد كلامه يتسمع
...هو اللي عارف مصلحتك...هو اللي كلمته تمشي و لو مامشيتش انتي اللي مش
هيبقى عندك حتى بقايا رجلين تمشي عليها واكسر للبنت ضلع يطلعلها 24. هما
الرجالة دول معجزة!! ومفيش زيهم و البنات هما الجواري الخدامات اللي
اتختمت شهادة ذلهم يوم طلوع شهادة ميلادهم وللأسف كل محاولاتهم لتقطيع
الشهادة دي انتهت بالفشل.
ممكن تقولوا علي متحاملة شوية أو كلامي فيه إفتعال بس كل ده بيحصل وباشوفه
بعيني. هو صحيح الأب بيحب ولاده زي بعض وبيتصرف كده وهو فاكر إن القيود
اللي فارضها على بنته دي هتحميها بس وهو بيعمل كده مابيديش نفسه فرصة يفكر
أد ايه تصرفاته دي بتأثر على نفسيتها وبتحطم شخصيتها، و بتخلق فيها ثورة
على كل حاجة في حياتها، وبتخليها تتمنى و تستنى اليوم اللي تسيب فيه بيت
أهلها سواء وهي حية ترزق فتروح لبيت جوزها اللي غالباً مش هيختلف عن بيت
أبوها كتير، أو ميتة فتروح عند ربنا العادل اللي محدش حاسس بيها قده، و يا
سلام بقى لو المأسوف على شبابها ماتجوزتش .... مبتخلصش كلام من الناس
والجيران و محدش بيسيبها في حالها، .... الناس بتبص للست كأنها كسر عشري و
لازم يبقى معاها راجل عشان تكون رقم صحيح، بس أنا بقى من هنا بقول إحنا
رقم صحيح مش كسر عشري، وبقول كمان البنت زي الولد ماهيش كمالة عدد وتقدر
توهب وتعطي وتخدم ولادها ومجتمعها وبلدها زي .الراجل بالظبط وعلى فكرة ده
مش رأيي لوحدي في بنات كتير موافقيني على الكلام ده
منقول من موقع الكتيبة الطيبية
sallymessiha- عضو متميز
- عدد مساهمات العضو : 157
العمر : 53
تاريخ التسجيل : 17/02/2009
رد: رقم صحيح مش كسرعشرى ـ تأوهات عذراء
أنا معاكي في رأيك ده
لان مجتمعنا بالفعل مجتمع زكوري
وبيحط علي البنات كتير من العقبات قدامهم
بس ده كان كتير قوي زمان
بس أنا في رايي خف شوية
لان مجتمعنا بالفعل مجتمع زكوري
وبيحط علي البنات كتير من العقبات قدامهم
بس ده كان كتير قوي زمان
بس أنا في رايي خف شوية
beshoy+- Admin
- عدد مساهمات العضو : 793
العمر : 33
تاريخ التسجيل : 31/01/2009
رد: رقم صحيح مش كسرعشرى ـ تأوهات عذراء
اكيد خف كتير عن الاول
بس صدقنى فيه مجتمعات شكلها متحضر لكن لسه الافكار قديمة
ميرسى لمرورك ومشاركتك
بس صدقنى فيه مجتمعات شكلها متحضر لكن لسه الافكار قديمة
ميرسى لمرورك ومشاركتك
sallymessiha- عضو متميز
- عدد مساهمات العضو : 157
العمر : 53
تاريخ التسجيل : 17/02/2009
رد: رقم صحيح مش كسرعشرى ـ تأوهات عذراء
موضوع واقعى ومش مبالغ فيه وخصوصاً فى الصعيد ولاسيما فى أرياف الصعيد ربما لأن :
1- المجتمع ذكورى زى ما علق الأخ بيشوى وده بيذكرنى زمن المسيح لما كان فى الجسد مسكوا المرأة التى أُمسكت فى ذات الفعل وخدوها للرب يسوع وبيسألوه أن مثل هذه تُرجم أما أنت فماذا تقول !!!!! أين هو الرجل الذى كان معها !!!؟؟؟؟ لا يوجد لأنه مجتمع ذكورى لكن دعينى أيها الأخت المباركة أن أقول شيئ لا يغيب عنكم فى المجتمع الشرقى
أولاً :- ده بيحصل مرتبط بجهل المجتمع
ثانياً :- ربما لأن الحزم ( وليس أن نجعلها خدامه .... وسى السيد يأمر فيطاع ) أفاد المجتمعات الشرقية فى التأصيل الإجتماعى
ثالثاً :- ربما لأن المرأة والحقوق النسائية لم تؤكد على التكاتف ضد التمييز على أساس النوع
( الجنس) الا فى الفترة الأخيرة فى البلاد الشرقية على العموم
رابعاً :- التوارث الاجتماعى . فالعادات والتقاليد فى المجتمعات الشرقية تقوم بدور أكثر من أن يلتفت البعض الى التشريعات الإلهية ( فمثلاً ختان البنات مرفوض دينياً وعلمياً ) لكن العادات المتوارثة تقوم بدور اكبر من دورها وتصير القيود العُرفية أقوى من القانون الوضعى و مواد الدستور لأن المجتمع ارتضاها هكذا
خامساً موضوعك جميل وأفكارك بناءة والدور الجاى يا ريت يكون عن حقوق الرجل المهضومة مثل الضغوط المادية فى تكوين أسرة ......الخ
الرب يباركك وشكراً لك جداً على تفعيلك للمنتدى
1- المجتمع ذكورى زى ما علق الأخ بيشوى وده بيذكرنى زمن المسيح لما كان فى الجسد مسكوا المرأة التى أُمسكت فى ذات الفعل وخدوها للرب يسوع وبيسألوه أن مثل هذه تُرجم أما أنت فماذا تقول !!!!! أين هو الرجل الذى كان معها !!!؟؟؟؟ لا يوجد لأنه مجتمع ذكورى لكن دعينى أيها الأخت المباركة أن أقول شيئ لا يغيب عنكم فى المجتمع الشرقى
أولاً :- ده بيحصل مرتبط بجهل المجتمع
ثانياً :- ربما لأن الحزم ( وليس أن نجعلها خدامه .... وسى السيد يأمر فيطاع ) أفاد المجتمعات الشرقية فى التأصيل الإجتماعى
ثالثاً :- ربما لأن المرأة والحقوق النسائية لم تؤكد على التكاتف ضد التمييز على أساس النوع
( الجنس) الا فى الفترة الأخيرة فى البلاد الشرقية على العموم
رابعاً :- التوارث الاجتماعى . فالعادات والتقاليد فى المجتمعات الشرقية تقوم بدور أكثر من أن يلتفت البعض الى التشريعات الإلهية ( فمثلاً ختان البنات مرفوض دينياً وعلمياً ) لكن العادات المتوارثة تقوم بدور اكبر من دورها وتصير القيود العُرفية أقوى من القانون الوضعى و مواد الدستور لأن المجتمع ارتضاها هكذا
خامساً موضوعك جميل وأفكارك بناءة والدور الجاى يا ريت يكون عن حقوق الرجل المهضومة مثل الضغوط المادية فى تكوين أسرة ......الخ
الرب يباركك وشكراً لك جداً على تفعيلك للمنتدى
khalaf mahrous- مشرف
- عدد مساهمات العضو : 114
العمر : 51
الموقع : كنيسة الشهيدين العظيمين ابو قسطور ومار جرجس ببردنوها
تاريخ التسجيل : 09/02/2009
رد: رقم صحيح مش كسرعشرى ـ تأوهات عذراء
ميرسى اخى العزيز لمرورك ومشاركتك الايجابية واراءك السديدة
ميرسى لتقديرك لكن لىتعليق الموضوع ده بالشكل ده بتلاقيه فى كل مجتمع حتى مجتمع العاصمة فى المناطق العشوائية
ربنا يبارك فيك
ميرسى لتقديرك لكن لىتعليق الموضوع ده بالشكل ده بتلاقيه فى كل مجتمع حتى مجتمع العاصمة فى المناطق العشوائية
ربنا يبارك فيك
sallymessiha- عضو متميز
- عدد مساهمات العضو : 157
العمر : 53
تاريخ التسجيل : 17/02/2009
رد: رقم صحيح مش كسرعشرى ـ تأوهات عذراء
الموضوع مش موضوع ارياف وغيرها المشكله ان عندنا موروثات شعبيه كتير غلط ولكن احب اطمن الاخت العزيزه ان المشكله دى مش خاصه بينا لكن بالوسط اللى احنا عايشين فيه والافكار الغلط اللي جايه لنا من دول اقل منا تقدما لان تاريخنا يشهد ان الاقباط كان فيهم نساء كتير كانوا قاده للمؤمنين
Dr_Romany- عضو جااامد
- عدد مساهمات العضو : 116
العمر : 39
تاريخ التسجيل : 06/03/2009
رد: رقم صحيح مش كسرعشرى ـ تأوهات عذراء
ميرسى رومانى لمرورك ومشاركتك
انا واثقة ان الفكر ده غريب عنا لكن هى دى المشكلة
اننا بدلا من ان تؤثر نتأثر
ميرسى ليك مرة اخرى
انا واثقة ان الفكر ده غريب عنا لكن هى دى المشكلة
اننا بدلا من ان تؤثر نتأثر
ميرسى ليك مرة اخرى
sallymessiha- عضو متميز
- عدد مساهمات العضو : 157
العمر : 53
تاريخ التسجيل : 17/02/2009
رد: رقم صحيح مش كسرعشرى ـ تأوهات عذراء
كل الكلام اللى فات تمام وفعلا المشكلة فى ثقافة المجنمع وان المجتمع بتاعنا مجتمع زكورى
لكن فية فعلا عادات يجب ان البنت من نفسها انها تحافظ عليها بمعنى انها مثلا متقارنشى
نفسها بالولد فى كل حاجة وليكن مثلا فى التاخير برة زيادة فى وسط ثقافة
المجتمع اللى احنا عايشين فية وفى نفس الوقت انا مش باطالب من البنت انها تتنازل عن
حقوقها لكن تكون فية عملية توازن
لكن فية فعلا عادات يجب ان البنت من نفسها انها تحافظ عليها بمعنى انها مثلا متقارنشى
نفسها بالولد فى كل حاجة وليكن مثلا فى التاخير برة زيادة فى وسط ثقافة
المجتمع اللى احنا عايشين فية وفى نفس الوقت انا مش باطالب من البنت انها تتنازل عن
حقوقها لكن تكون فية عملية توازن
Mena Orten- مشرف
- عدد مساهمات العضو : 67
العمر : 36
تاريخ التسجيل : 04/02/2009
رد: رقم صحيح مش كسرعشرى ـ تأوهات عذراء
ميرسى مينا لمرورك
وهل لمجرد ان فيه عادات العادات دى بقت قوانين والا قابلة للتغيير
وليه البنت ماتقارنش نفسها بالولد؟
وهل لمجرد ان فيه عادات العادات دى بقت قوانين والا قابلة للتغيير
وليه البنت ماتقارنش نفسها بالولد؟
sallymessiha- عضو متميز
- عدد مساهمات العضو : 157
العمر : 53
تاريخ التسجيل : 17/02/2009
رد: رقم صحيح مش كسرعشرى ـ تأوهات عذراء
انا مش قصدى اتباع العادات والتقاليد بالطريقة اللى وصلتك كما انزل
لكن هل البنت تقدر تشتغل فترة الليل كلة فى شركة معينة مثلا زى
الولد عادى او زى البنت فى الدول الغربية مثلا اللى عايز اوصلة
ببساطة انة فية بعض القيم مش عايز اقول عليها عادات وتقاليد
ممكن تكون بتحافظ على البنت لكن مش معنى فكرة التحرر هو
اننا نكسر كل حاجة بقى وصدقينى انا مش راجعى ولا حاجة
انا مع ان البنت تكون متحررة من حاجات كتيرة قد تكون قيود
بالنسبة ليها فى المجتمع الشرقى وزى ما قولت مش معنى
انها تبقى متحررة يبقى نكسر كل حاجة يعنى انا فى راييى
ان البنت ممكن تاخر برة بحدود مناسبة لو شغلها مثلا بيفرض
عليها كدة لكن مش مع ان البنت تشتغل ليلا مثلا زى ما قلت
قبل كدة ودة كلة كان مثال
لكن هل البنت تقدر تشتغل فترة الليل كلة فى شركة معينة مثلا زى
الولد عادى او زى البنت فى الدول الغربية مثلا اللى عايز اوصلة
ببساطة انة فية بعض القيم مش عايز اقول عليها عادات وتقاليد
ممكن تكون بتحافظ على البنت لكن مش معنى فكرة التحرر هو
اننا نكسر كل حاجة بقى وصدقينى انا مش راجعى ولا حاجة
انا مع ان البنت تكون متحررة من حاجات كتيرة قد تكون قيود
بالنسبة ليها فى المجتمع الشرقى وزى ما قولت مش معنى
انها تبقى متحررة يبقى نكسر كل حاجة يعنى انا فى راييى
ان البنت ممكن تاخر برة بحدود مناسبة لو شغلها مثلا بيفرض
عليها كدة لكن مش مع ان البنت تشتغل ليلا مثلا زى ما قلت
قبل كدة ودة كلة كان مثال
Mena Orten- مشرف
- عدد مساهمات العضو : 67
العمر : 36
تاريخ التسجيل : 04/02/2009
رد: رقم صحيح مش كسرعشرى ـ تأوهات عذراء
انا معاك يا مينا
فعلا لازم يكون فية قيود على تصرفات البنت
مش بس علشان نظرة المجتمع ليها
بس شغل البنت بالليل مثلا مش بس هايعرضها للكلام
دا كمان ممكن يعرضها لمشاكل فعليه
لأن فى المجتمع الغربي بالليل زى النهار
لكن عندنا البنت يومها بينتهى الساعة 10 مساء بالكتير
فلو انت مشيت بعد كده ممكن ماتشوفش بنات اصلا فى الشارع
وده بيسبب خطر لو البنت مشت لوحدها فى الشارع فى الوقت ده
رد: رقم صحيح مش كسرعشرى ـ تأوهات عذراء
انا معاكم طبعا بس اللى مش معاكم فيع كلمة قيود
يعنى انا لو ربيت البنت والولد صح طبيعى هتلاقى البنت عارفة اللى يضرها واللى ينفعها وهتلاقها بتتعامل مع الامور بتلقائية بدون اوامر ونواهى وطبعا كلامى ده على المثل اللى بتتكلموا عنه
انما مساواتها بالولد ى الامور العادية مطلوب
ميرسى لمشاركتكم الفعالة
يعنى انا لو ربيت البنت والولد صح طبيعى هتلاقى البنت عارفة اللى يضرها واللى ينفعها وهتلاقها بتتعامل مع الامور بتلقائية بدون اوامر ونواهى وطبعا كلامى ده على المثل اللى بتتكلموا عنه
انما مساواتها بالولد ى الامور العادية مطلوب
ميرسى لمشاركتكم الفعالة
sallymessiha- عضو متميز
- عدد مساهمات العضو : 157
العمر : 53
تاريخ التسجيل : 17/02/2009
رد: رقم صحيح مش كسرعشرى ـ تأوهات عذراء
البنت فى المجتمعات الشرقية عموما ينظرون لها على انها مخلوق ان لم تفرض علية الحراسة او الوصاية تاتى منة كل المشاكل
ودا كلام غير صحيح بالمرة
المشكلة في الفكر المسيطر على عقول الناس دي
لو افكارنا اتغيرت فى الموضوع دة ومواضيع تانية كتير
حيتنا هيكون احلى من كدة
ودا كلام غير صحيح بالمرة
المشكلة في الفكر المسيطر على عقول الناس دي
لو افكارنا اتغيرت فى الموضوع دة ومواضيع تانية كتير
حيتنا هيكون احلى من كدة
SAMO- مشرف
- عدد مساهمات العضو : 177
العمر : 37
الموقع : اسيوط _ديروط
تاريخ التسجيل : 19/01/2009
رد: رقم صحيح مش كسرعشرى ـ تأوهات عذراء
اتمنى أن القيود اللى على البنت تكون قيود نابعة من داخلها
مش من البيت أو المجتمع
يعنى ماتستناش لما حد يقولها كده غلط
مش من البيت أو المجتمع
يعنى ماتستناش لما حد يقولها كده غلط
رد: رقم صحيح مش كسرعشرى ـ تأوهات عذراء
ميرسى لمشاركاتكم الجميلة
منتظرة اراء باقى الاعضاء
منتظرة اراء باقى الاعضاء
sallymessiha- عضو متميز
- عدد مساهمات العضو : 157
العمر : 53
تاريخ التسجيل : 17/02/2009
رد: رقم صحيح مش كسرعشرى ـ تأوهات عذراء
انا شايف ان البنت مظلومه قوى فى مجتمعنا لان الناس بتبص على تصرفات البنت بميكروسكوب وفى الوقت نفسه بتبص على الولد بتليسكوب
Dr_Romany- عضو جااامد
- عدد مساهمات العضو : 116
العمر : 39
تاريخ التسجيل : 06/03/2009
رد: رقم صحيح مش كسرعشرى ـ تأوهات عذراء
ميرسى مرورك وتعليقك الجميل
ارجع واقول الاصل على التربية لوربيت الولد زى البنت
اولا هنلاقى نظرة الولد للبنت صحيحة سليمة
ثانيا هنلاقى البنت شاعرة بالمسئولية وعارفة حقوقها وواجباتها
منتظرة باقى الاراء
ارجع واقول الاصل على التربية لوربيت الولد زى البنت
اولا هنلاقى نظرة الولد للبنت صحيحة سليمة
ثانيا هنلاقى البنت شاعرة بالمسئولية وعارفة حقوقها وواجباتها
منتظرة باقى الاراء
sallymessiha- عضو متميز
- عدد مساهمات العضو : 157
العمر : 53
تاريخ التسجيل : 17/02/2009
منتدى الراعى :: شبابيات :: مشكلات شبابية
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الجمعة 13 فبراير 2015 - 5:24 من طرف pefapefa
» نبذة عن التقليد الكنسي ( بور بوينت )
الثلاثاء 1 يوليو 2014 - 3:21 من طرف isisboles
» سلسلة إظهار العهد الجديد فى العهد القديم - مقدمة
الأربعاء 5 مارس 2014 - 17:22 من طرف sallymessiha
» فقرات باور بوينت - الجزء السابع
الأحد 15 ديسمبر 2013 - 17:59 من طرف vivin
» القديسة إيلارية
الإثنين 26 أغسطس 2013 - 23:55 من طرف sallymessiha
» الناسكات والغربان
الإثنين 26 أغسطس 2013 - 23:52 من طرف sallymessiha
» كتاب قصة الخليقة
الإثنين 26 أغسطس 2013 - 23:50 من طرف sallymessiha
» تسبحة العذارى _ ميثوديوس الأوليمبي
الإثنين 26 أغسطس 2013 - 23:46 من طرف sallymessiha
» أعظم موهبة _ يوحنا ذهبي الفم
الخميس 21 مارس 2013 - 0:37 من طرف sallymessiha
» مهرجان التنمية البشرية السنوى
السبت 2 فبراير 2013 - 18:47 من طرف stmaryaiad
» هز فؤادى صراخك يوما
الأربعاء 19 سبتمبر 2012 - 23:06 من طرف الصليب الخشب
» الدورات التدريبية المدعمة لشهر سبتمبر
الأحد 9 سبتمبر 2012 - 2:30 من طرف stmaryaiad
» الفتاة التى وقعنا كلنا فى حبها
الإثنين 3 سبتمبر 2012 - 18:04 من طرف اكرم السوداني
» بيان هام لكل الخدام
الأحد 19 أغسطس 2012 - 22:43 من طرف stmaryaiad
» دبلومة التصوير و المونتاج و الأخراج
السبت 7 يوليو 2012 - 21:22 من طرف stmaryaiad
» كنيسة السيدة العذراء مريم بعياد بك - شبرا
الأربعاء 13 يونيو 2012 - 19:15 من طرف stmaryaiad
» لا تهدد الله
الأحد 20 مايو 2012 - 21:48 من طرف sallymessiha
» معانى كلمات سفر يشوع
الأحد 20 مايو 2012 - 21:46 من طرف sallymessiha
» هل يحكم الفأر الغابة بعد الأسد العجوز
الأحد 20 مايو 2012 - 21:43 من طرف sallymessiha
» نقول ثور.... يقولوا إحلبوه !!!!!
الأحد 20 مايو 2012 - 21:42 من طرف sallymessiha