سيرة الشهيد سيدهم بشاى

من طرف Dr_Romany الجمعة 27 مارس 2009 - 3:21

كان هذا القديس شابا بتولا وكان يعمل تاجر اخشاب وفى يوم من الايام كان ذاهب للكنيسه فأحتك به شخص شرير واتهمه بانه سب الدين الاسلامى ونبيه وطبعا كان فيه ناس معديين فى الشارع شهدوا عليه زور فأخذوه للقاضى وطبعا قضاء مصر اخر نزاهه
فراح القاضى النزيه العادل كتر خيره حكم حكم جميييييييييييييييل خالص خالص
عارفين حكم بأيه
حكم عليه بأنه يدخل الاسلام عشان ربنا يغفر له (طبعا عشان القاضى عامل عليه وبيحبه) او يقتل
فاختار قديسنا ان يموت شجاعا على ان يعيش جبانا
فضربوه بالاحذيه وهو فى المحكمه وجروه على السلالم وركبوه جاموسه بالمقلوب ورمو عليه الزباله وربطو فى جسمه حته لحمه وكلب وقطه عشان ينهشوا اللحمه ويعوروه وفى الاخر راح جه واحد شهم اوى وصب عليه قطران مغلى
قبل ان يسلم الروح ظهرت له الست العدره لتقويه وتشجعه
على فكره جسده لسه ما اتحللش وموجود بكنيسه العدره بدمياط
ولكن بعد استشهاده وصلت الاخبار دى للوالى محمد على باشا فغضب على المحافظ والقاضى وعزلهم من مناصبهم
وامر بجنازه رسميه للشهيد وتم رفع الصلبان فيها لان رفع الصليب ما كانش مسموح بيه قبل كده
بركه شفاعته تكون معانا

موضوع رائع يا دكتور ربنا يباركك عليه وهو شفيع هذا الاسبوع عيد نياحته 26 مارس
واليكم نص العظة التى ألقاها سيدنا نيافة الانبا بيشوى سكرتير المجمع المقدس فى عيد استشهاده هذا الاسبوع وهى عن القديس الشهيد العظيم سيدهم بيشاى حيث قال نيافته :- النقطة اللى بيتميز بيها القديس سيدهم بشاى ان ده واحد مش سياف قطع رقبته وعساكر عذبوه
لأ
ده بلد بحالها اشتركت فى تعذيبه ( بلد بحالها ) ولفوا بيه فى الشوارع كلها وهما بيضربوا فيه وبينخسوا بالالات الحاده فى جسده
يعنى فيه بعض شهداء جماهير كتيره اشتركم فى تعذيبهم وفى عملية استشهادهم بس أغلب الشهداء كانوا بيتعذبوا عن طريق العساكر ( الجنود يعنى ) بآلات التعذيب ويتقطع رقبتهم بالسيف لكن سيدهم بشاى اشترك فى تعذيبه عدد كتير جداً ( آلاف من الناس ) وكانوا بيزفوه علشان يهزقوه ولذلك كانوا بيحطوا عليه حاجات مش نضيفه وكانوا رابطين خطاطيف فى وسطه وحاطين معاه كلاب وقطط وحاطينله لحمه نيه علشان الكلاب والقطط تقعد تنهش فيه وركبوه على الجاموسه بالمشقلب
الوضع ما هواش كان مجرد آلام بس لكن كان فيها تهزيق جامد
ومع ذلك كانسان مسيحى حقيقى كان بيقول يا طاهره - يا يسوع . وما طلعش من بقه كلمه واحده غلط بالنسبه للناس اللى عذبوه واللى اشتركوا فى عملية استشهاده أو اللى حاكموه لكن تحول هذا الموقف الى لمجد زى ما سمعتوا ان بعد كده اترفعت الصلبان فى الجنازات وفوق الكنائس واصبح القديس سيدهم بشاى سبب لتمجيد اسم المسيح وارتفاع علامة الصليب
وبدأت العذابات بتاعته مع عيد الصليب لأن عيد الصليب بتبقى العشية بتاعته يوم 18 وهو استشهد يوم 26فالأسبوع اللى هو اتعذب فيه كانت بدايته مع عيد الصليب
ولذلك حمل الصليب بكل أمانه وأراد الله أن يكرمه وجرت بسبب صلواته وجسده المقدس معجزات كثيرة

.